أخبار مميزةمنوعات

أهل الفن :تقول عائشة الكيلاني

كتب : وائل توفيق

والله ماعرف..حقيقي ايه اللى ناقصني عشان اكون نجمة؟

يعني هل النجومية للحلوين بس؟

يعني لازم اكون بيضا زي الفجلة عشان أعجب الجمهور.

أبدًا.بدليل الناس بتحبني، وبيبعتولي جوابات عاوزين صوري، وفي مره واحدة من السعودية بعتتلى قالتي عايزة اي صورة ليكي ،عشان اعلقها في بيتي وكل ماأكتئب ابص عليها وأضحك.

 انتو فاكريني ببالغ في مكياجي واكسسواراتي الغريبة، لأ ابدا بجيبها من سوق العتبة ووكالة البلح والموسكي، لكن الحقيقة ان الحياة فيها نماذج أطرف وأغني بكتير، اركبوا عربية الحريم في المترو وانتو تشوفو العجب، ده انا هناك بقابل ملهماتي.



المخرجين حاصرني في دور المرأة غير الجميلة والعانس، مع أن نفسي ألعب جميع الأدوار أنا ممثلة قبل ما أكون كوميديانية والكوميديا أصعب واللي يقدر يلعبها يقدر يعمل كل حاجه م اعرفش ليه المخرجين حاصرني في المنطقة دية، أنا جوايا مساحة كبيرة محدش استغلها وبصراحة ده بيأثر على نفسيتي. وأنا لو دخلت مسابقة ملكة جمال اخد الجائزة الأولى فورًا لأني أوحش واحدة في الحلوين وأحلى واحدة في الوحشين.
والجمهور لما بيشوفني على الحقيقة بيقول: الله؟ م انتي حلوه أهوه..ليه بيطلعوكي وحشة في التلفزيون.
كفاية حب الناس، لما بيقابلوني في السوق مثلًا، بتاعة الجرجير لا يمكن تاخد مني فلوس، وكل مرة تقولي والله ابدا ولا مليم، انا بحب، وبتاع الفراخ بياخد تمن الفراخ ويرفض البقشيش، فيه ناس بتسألني “مش انتي شخصية علمية معملية فذة؟ عشان لسه فاكرين دوري في مسلسل “مطلوب عروسة”.
عارفين جوزي، بيقولي ايه..بيقولي :ياجريمة، شافني في مسرحية وطلب يقابلني وعرفني بنفسه وقالي انه بيحب الفن ومعجب بأدائي وعاوز يتجوزني، وحبينا بعض بعد كدا وتجوزنا.
أنا من مدرسة زينات صدقي مش ممكن الصدق اللى هي بتمثل بيه وقدرتها على صنع لغة خاصة بيها، والمصطلحات اللى اخترعتها زي “كتاكيتو بني” وبافرح لما االناس بتشبهني بيها.

والله ما بعرف اكشر لأن ربنا وهبني مقدرة على اسعاد من حولي بالموهبة دية ولو كشرت ما أخليش حد يشوفني.



اظهر المزيد

مقالات ذات صلة

إغلاق